أبتعدنا قليلا !

مساء الخير متابعيني... 

ما ادري ليش قررت اكتب عنوان البوست جذي يمكن لان هلكلمه تعبر عن كم كبير من المشاعر او بمعنى اصح أحاسيس امر فيها الحين.. وذكريات اكيد..

بداية كل فجوة في اي علاقه من علاقاتنا تكون ابتعاد .. منه يبدي سوء التفاهم بين الطرفين يزيد ويكبر حجمه ... وما يقتصر هلشي بس على هذا لكن يزيد بعد من المسافات بين الطرفين ... 

لو كانت العلاقة علاقة صداقه يتعكر صفوها وان كانت حب يذبل ورده ويجف قصنه وتموت جذوره .. لكن شنو سبب البعد اساسا ..

اختلافات وجهات نظر!

عدم توافق في  نظرتنا للواقع!

اختيانا للشريك او الصديق كان خطأ!

فينا السبب وراجع لطبعنا  او العكس يكون بالطرف الثاني! 

ولا شنو ... هذا يعتمد عليك .. 

من رايي سر نجاح علاقاتنا هو رسم حدودها وملامحها .. 

هذا صديق .. كاتم اسراري وانا كاتم اسراره

وهذا لا .. انسان صديق بحدود... الامور الشخصيه العميقة محرمه عليه...

وهذا يمكن تتطور علاقتي معاه .. يمكن يكون حبيب ويمكن اخ .. 

فاحنا الي نرسم ونخطط هلعلاقه شنو بيكون حاضرها وشنو يكون مستقبلها ..

للموضوع تكمله وان شاء الله بكتبه هليومين

نشوفكم على خير 

حسابي في الانستغرام

@hu5sein