خيانه !

مساء الخير متابعيني .. 

بكتب اليوم عن الخيانه في الحب دام كلامي في البوستين الي طافوا عن الحب .. 

يقولون الفلوس وصخ دنيا وانا اقول الخيانه وصخ حب .. هذا الواقع .. 

ما اظن ان الخيانه بس تقتصر على خيانه الجسد ، لا انا اشوفها انها تشمل .. العين وو اللسان ..

ويمكن خيانة الجسد تحرك الغيره بس ماتكون جارحه اكثر من خيانة اللسان .. والعين .. يوم يقول لك الحبيب " انت أغلى الناس عندي ، انت حبي الوحيد ، انا ما راح احب غيرك ، و و و و " وتالي تنصدم انه نفس الكلام ينقال لغيرك! 

صدقني وكون متأكد شي راح ينكسر فيك وصعب يتصلح وانت جمعت اشلائه صدقني ما راح يرجع صلب وقوي مثل قبل، راح يكون هش ومن اقل شي يتهدم كل شي بينك وبين الحب .. والسبب هو فقدانك للثقة .. 

انا دوم انصح الي يصارحوني بخيانة حبيب لهم .. ان الحل الوحيد بمواجهة وبعدها فراق بدون تردد .. بس لو كان يحب يغامر مره ثانيه .. يتحمل النتايج .. لان افضل له يتوقع الخيانات والاسرار الي تسبب جروح عميقة على طول الطريق الي اختاره باستمراره مع انسان خانه ولو مره ... 

خيانة يعني نقض وعود وشرف اي علاقة .. حب .. صداقه .. عمل .. نفس مفهوم الخيانه ما يتغير .. 

شي مؤلم ..

اشوفكم على خير 

حسابي على الانستغرام

@hu5sein