ولكم باك.. رجعت ^_^

بسم الله تعالى..

السلام عليكم ورحمة الله وبركاته..

اخباركم ان شاء الله بخير... ما ادري الي يدخلون مدونتي يقرون او لا .. ^^" ما علينا المهم في زيارات ^_^..

ملاحظ اغلب الي كانوا يدونون وكنت على تواصل معاهم اختفوا.. الي حذف المدونة والي هجرها.. على العموم اتمنى انهم بخير..

هذي الاياام... ملان شوي.. ماكو اكشن هههههه .. الواحد من يتعود على شي يفتقده .. وانا تعودت على الزعل والضيقه هههههه الله لا يعودها علينا ياارب...

بعد النظر بالموضوع .. واقصد موضوع رجوعي للمدونة وتدوين اغلب الامور الي تصير لي.. قررت اني ارجع.. وهلشي ماله اي علاقة بأطراف ثانية ... ولا دخلاء.. بس بما ان هلكورس حاليا موقف الدراسة .. واحس بالملل قررت اني ارجع للتدوين... وادخل بأنشطه ... التطوعية مثلا..

ويمكن ادخل معهد للغة الانجليزية ... عشان اقوي نفسي وبنفس الوقت ما اضيعها .. ولو هي لك عليها ههههههههههه بس المهم نعرف نرقع ^^..

بخصوص حياتي العاطفية... امممم الامور هادية والحمدلله .... بعد ان توصلنا لهدنه كككككككك لالا اضحك وياكم... بس تصافينا وقررنا ان نتم مع بعض لين ربي يفرجها ... ومهما صار وبيصير ما بيهزنا.. وكل شي ناخذه بجديه وتفكير وتأمل قبل لا نقرر شنو الخطوه اليايه...

من فترة.. كلمت واحد من الربع.. وجد كنت مشتاق لسوالفه.. مع ان المحادثة بينا كانت شوي... ولا استرسلنا وعرفنا اخبار بعض.. بس كانت حلو انك تتواصل مع انسان .. انقطعت اخبارة.. وتسأل عنه...

وبنفس الوقت.. كنت اتواقع من انسان يتواصل معاي.. وعلى الاقل يصلح موقفه الي حط نفسه فيه.. وغلط بحقي وبحق الي احبه.. رغم ان ما عنده دليل على اي شي اتهمنا فيه... لكن تصير امور ما تتوقعها من اي انسااان مهما كان قربه لك...

وكان الي بيناا مو اخوه وصداقة.. الا مصلحه.. ومصلحة ضحك وناسه وتضيع وقت.. وبس..

المهم.. ربي يوفقه وين ما كان... ومهما بدر منه..

احتمال كبير هلكورس اساافر.. لايران عشان اسوي عملية لعيوني.. واحتمال اني اسويها بالكويت... بما اني موقف دراسة... 

استغل الفرصه عشان ما اتأخر الكورس الياي... والله كريم... دعواتكم لي بالتوفيق..

يالله اشوفكم على خير..