اليوم 20 يناير,,

السلام عليكم ورحمة الله...

اخباركم ان شاء الله بخير..

اليوم 20 يناير,, الوقت 11 ونص صباحااا,,و تقريبااا

الوالدة قعدت وياي شوي على انفراد,,, وقالت,," حسين ,, انا شفت لك طبيب نفساني,,

يمدحونه وااايد,,, ابيك تروح له عشان تطلع من الجوو الي انت فيه... انعزالي.. وما تخالط النااس..

ولا تتكلم مثل الباقي,, الا قليل .. عسى انه يحسن من حالتك... وانا بروح وياااك ... وما نقول حق اي حد.. الموضوع لا من شاف ولا من درى.. وان شاء الله بعد ما تخلص اختباراتك نروح اوكى حبيبي..."

امممممم طبعا انا قلت لها الله كريم ويصير خير,, ما عطيته وعد اكيد ولا رفضت ...

صراحه خاايف واايد...خايف ان الدكتور يقول لاهلي عني "اني مثليي" او يطلع لي شي يديد ما اعرفه...

انا صحيح هلفتره محتاج اروح لطبيب نفساني.. عشان مشكلة النوم وصعوبته.. بس الاهل اممم وراهم نيه ثانيه...

مثل موضوع طبيب الهرمونات... 

ابي رايكم اروح للطبيب ولا لا؟ وان رحت وعرف اني مثليي.. انكر ولا اصارحه؟ ولا شنو اسوي؟ جد جد جد محتاار!!

الاختبار كان بعد 3 ساعات من كلام امي وياااي... تضايق وااايد من هلموضوع... وشل تفكيري وتركيزي... 

المهم ياا الاختباار... واول ما وصلت عند القاعه.. رفيجي قال لي... الله شل كوت الي لابسه حلوو وااايد... ابتسمت وضحكة.. وقلت له بردان شسوي ^^...

قعدنا نسولف شوي.. ومن بين الكلام الي اتذكره...اممممم كان عن الاختبار... جد ياحسين الطلاب هني يجون ويقولون لك اشياء ما مرت عليك في الكتاااب... ويزيدون توتر الواحد ويقفلونه بويه... ^^ قلت له انت درست الي تعرفه.. اليديد الي ما درسته لا تشغل بالك فيه لان راح تنسى القديم وخاصه هلوقت قبل الاختباار... بلحظات..

وشوي فتحووا باب القاعده ... وتجمعووا الدكاتره من كل فجا عميق... وقبل لا ادخل لحظة واحد... ناعم "نعومي" ما ركزت عليه واايد.. بس كان لابس ملابس ضيقه حيل...

المهم دخلنااا... وصلنا عن مكانا الي محددينه لنا الجامعه... ولا اشوف النعومي ويانا ... ياااي يختبر  بنفس المقرر الي انا ماخذه.. 

بس لما شفت ويه عدل.... قلت لنفسي... غلطاااااااااااان كل هلتصرصر "يعني اللبس الضيق" والنعومه ويهك... يجيب الارف...^^

المهم.. وزعوا الاختبار... وهني شوي صدمة... كان من تعاريف اول سؤال... والسؤال الثاني والثالث مناقشه...

انا ولا الطلاب الي معاي كنا متوقيع انه يجي فيه تعاريف... لان الدكتووره اكدت علينا انه هلمره مافي اي تعريف... وقالت ركزوا على مواضيع المناقشه.. لان هلاختبار 3 ايسي وبس...

والمصيبه الاكبر.. ان 20 درجة بس للتعاريف يعني لو كانت مراجعهم عدل كنت ضمنت النجااااااااح وبكل جداره بس للاسف حليت 2 من 4... والثالث ترقيع  و تأليف ... ^^

رحت على الايسي.. واشوف بس سؤال واحد من الكتاب الاول... كتاب طول وعرض وتسع فصول بس موضوع واحد.. وباقي الاسأله من الكتاب الثاني الي انا مو فاهم منه اشيااااااء واايد... لان الدكتوره ما عطته حقه من الوقت وكنااا نمشى على السريع...

المهم بالاخير... حيلت ايسي كامل ومتأكد من حلهااا.. اما الايسي الثانيه كتبت الي اعرفه ...وحافظه بس...

اليوم الجمعه,, ادرس لاختبار السبت.. عن الادب ورواياات وخرابيط شكسبير وربعه...

ادعولي بالتوفيق ,,, وعسى ربي يسهل علينا الاختبار..

جد في كلام وايد ودي اكتبه بس الحين ما عندي وقت...

ان شاء الله يوم الاحد.. بكون فاضي ...

يالله اشوفكم على خير قريب

تحياتي