هذا انا في وحدتي

السلام عليكم .. اخباركم ان شاء الله بخير..

قااعد مجابل اللابتوب,, مافي نت وملل والتي في مافيه شي.. قلت بكتب بوست... وافرفش شوي...

هليومين الي طاافوا واايد احداث صارت.. منها الزين ومنها الشين... منها الي فرحني... ومنها الي دخلني دوامه ضياع وحزن..

امس,, كنت سهران على الواجب... وما نمت الا بعد ما خلصته وسلمته.. على الساعة 9 الصبح ^^.. وبعدها رحت نمت...

يعني بالعربي.. قاعد من 9 الصبح لين 9 الصبح :(

بس هم ما ارتحت... احلام ودوخه وافلام هندية... والواجب كان البطل ^^... وتليفونات ترن.. ومسجات توصل...

ما ادري.. منو اتصل علي من الكويت ما رديت عليه... رقمه غريب وعلى فوني الثاني الي قليل من يعرفونه ^^..

اما اول مسج كان من تركوازي فديته ^^... شفته وانا مغمض ورجعة نمت ... حتى ما قريته عدل... وبعدها جي بساعتين... ياااا لي اخوي.. "حسين قوم .. وصلني المعهد" وانا رديت عليه.. "رح حق ابوي يوصلك... بنام .. نايم متأخر...".. والحمدلله ابوي وصله جزاه الله خير ^^... المهم كملت نومتي.. وشووي يرن الفوون... وما ادري كم مره ما رديت عليه.. وتالي رديت ^^.. وطلع صديق قريب مني .... يعتذر ^^... صج صوته ما تغير .. مع اني من زمان مو مكلمة.. المهم هذا فلم "نومتي"....

شي غريب.. واحساس ما ادري شلون اصوره... وبكل بساطة " كنت نايم... واقعد ابجي.. وبعبره.." وعلى موضوع حتى ماله شغل بالحلم الي كنت احلمه لحظتها... بس جد كان احسااااس غيررر... واول مره احس فيه...

ادري البوست اليوم مخربط وما ينفهم.. بس هذا حالي.. متشتت لدرجة كبيرة.. ماني عارف شسوي.. وقرارات مصيريه.. لازم اتخذها وبوقت قصير حيل حيل,,, والله يعني عليها :(

اما الحين اسمع .. احلام... مع اني ما احب اسمع لها.. الا ان هذي الغنية حلووه حيل ولها معنى غير غير...

لما تقول ... هذا انا في وحدتي بعدك على الله العوض.. تتكلم عن لسان حالي :(

لا شفتني بمرايتي القنا ما نشبه بعض.. اااه بس :(

غيرتني ما عدت انا بين على وجهي العنا... اااااايه والله :(

صارت تعابير الحزن تمحي تعابير الهنى.. :(

وتصنع البسمه عشان الفرحة بوجهي تبان... وشلون بس مو بسمتي وضعنا على الوجه انفرض.... اتذكر هني كلمة تركوازي لي.. " حسين ليش تحط ابتسامه .. وانت ما تبتسم.. تضحك على نفسك!! " ... ساعتها ابتسم صج صج ^^

يالله على الله العوض ..

وشلون بس وكل شي ايامي قربك كان حي... اليوم ما بين الحياة والموت لا تحزن علي ... لا تحزن علي..

لا شفتني بعدك حزين باكر تفرحني السنين... ما دام بعدك قسمتي.. ماني على الله معترض.. ماني على الله معترض...

يالله على الله العوض... العوض..

بصبر وانا ياما صبرت..ياما قدرت وما قدرت.. اجني ثمر طول الصبر.. ياما من احبابي خسرت... خسرت..

بس انت ما ابي اخسرك.. دايما بشوق اتذكرك.. اتذكرك .... وصورة اقبال مرايتي كل يوم تجمعنا بعض.. اي والله كل يوم..كل يووم... يالله على الله العوض... العوض... :(

يالله اشوفكم بوست ثاني بعد ما احل الواجب الثاني...

واسف على المود الكأيب...

تحياتي..