I still alive even without you

السلام عليكم ورحمة الباري...

اخباركم.. ان شاء الله بخير... من زمان عن المدونه... تقريبا سبوع.. ما كتبت شي عن يومياتي...

بس اليوم.. تقدرون تقولون لي مزاج اكتب.. بعد ما طلعت تقريبا من الحالة الي كنت فيها.. من كم يوم.. وبعد ما تقبلت الواقع وتكيفت معاه..كثر ما اقدر...

ابديها اليوم... بأخبار الجامعه... طبعا انا سجلت متاخر.. لان كنت موقوف.. ودخل بالاسبوع الثالث الي كان اول محاظره لي... وتقدرون تقولون شوي كنت ضايع .. لكن الحمدلله ان هلمقررين كنت راسب فيهم... واتذكر الي اخذته.. والحمدلله بعد ما قريت الي طافني... حسيت نفسي طلعت من دوامت الضيااع.. وقدرت اتابع معاهم وانا فاهم شنو الطبخه..

لكن مافي شي ما يخلوا من المشااكل... بعد الاسبوع الاول.. نزلوا الواجبات.. الي لازم تكون خالص في اخر الاسبوع السادس.. الي هو هذا الاسبوع الحالي.. وعندي تسليمين الاول يوم 10 والثاني يوم 11...

الاول عن تاريخ اللغة الانجليزية... والثانية تحليل رواية..

 Pride and Prejudice

والحمدلله انه عندي فكره عن الواجبين... الي سبق وحليتهم.. وحصلت على درجاات حلووه فيهم.. لكن الواجبات الجديد فيها اضافات كثر... وعدد الكلامات ما يسمح لي بأن اخذ راحتي... يعني لازم تكتب الايسي.. وترجع تلخصها علشان ما يطلع زيادة عليك... وبالتالي.. تقل درجاتك...

والاهم في القصه هذي... هو الموقع الاكتروني حق الجامعه... الي ما يشتغل الا دقايق بسيطة.. وبعدين يوقف بسبب الضغط على السيرفز...والمطلوب اني ادخل على المكتبه الالكترونيه واخذ مصاادر... وضرورية للواجب... لكن موقعهم الزفت ما يشتغل... والله بلشه..

*******

من فتره.. كنت وعدتكم اني اتكلم عن المسيد الي بالمنطقة الي ساكن فيها... والي صنفوه انه من عجائب الكويت السبع.. حسب ما سمعت... لكن للحين المعلومات الي عندي مو متاكد منهااا.. وحتى المصلى المؤقت سكروه من فتره طويله عشان يكملون البناااء... فايوم الخميس الي طااف ... العصر وانا راجع من البيت .. مريت على المسيد.. ودايما امر عليه لان موجود على طريق انا احبه... وسريع... يعني يعني... هو السرعه الي لازم امشي فيها بحدود 60 ... بس انا لووول اخذه... 120 او 140... حتى السيارة صارت تصيح مني... كككككك....

المهم شكل المسيد مشاابه تمامااا... لتاج محل... واذكركم مره ثانيه.. انه مسيد شيعي... واسمه مسيد الصديقة فاطمة الزهراء عليها السلام... طبعا راح يكلفهم.. بحدود.. مليون دينار كويتي... وااايد مووو.. بس يستااهل بيت الله...

وهذي اخر صوره له... صورتها ... وطبعا الحين شكله تقريبا واضح... وما باقي الا لمسات خفيف... وراح يكون الافتتاح.. بعد شهر محرم... بكم شهر.. عشان الديكورات الداخليه... مثل ما سمعت انها بسيطة... حيل عشان لا تشغل المصلي... لكن القبة.. الكبيره... رااح تاخذ وقت كبير...على ما تخلص الزخرفات والرسم...

طبعا المسيد مصلاه من يعتبر واحد من اكبر مصالي الكويت... وراح يكون امام المسيد بعد الافتتاح.. الشيخ حبيب الكاااظمي... الي له جمهور كبيييييييييييييييييييير...  ويقولون باركنق المسيد ياخذ 1000 سيارة... لكن الي اشوفه الحين.. وحسب الاعمال... ما ياخذ اكثر من 300 سيارة... مدري يمكن يوسعون اباركنق قريب...

طبعا... امممم انا اتوقع هلمسيد... ومع الشيخ حبيب الكاظمي... راح يكون له صدى كبير,,, وخاصه انه في خطط لبرامج ارشادية... للشباب ونشاطات حلووه واايد... واعتقد راح يسلب الاضواء من كل المراكز والمساجد الشيعيه في الكويت...

وحتى موقعه اتسراتيجي تقريبا... لانه صااير في وسط المنااطق ... وعلى دائرين تقريبا هلدايرين... تربط مناطق الكويت بعضها....

اممم خلاص تكلمت واايد عنه... نشوف موضوع ثاني...

*****

من قبل.. كم يوم.. تقريبا بيوم انفصالي مع الاكس...ماتت حبيبة طيري الباادجي.. لووول...طبعا هلطير حبيبي ... وونيسي قبل...وتقريبا هم الحين... قبل كان دووم عندي... ويجي صوبي...بس لما شريت له انثى... الحبيب تكبر... ولا عاد يجي... ولما ماتت حبيبته... الاخ رجع لي مره ثانيه... وصاار بس يشوفني يخبص البيت بالصياح خخخخخخخ... 

وكل ما اشوفه... اتذكر شي بالي... لا تسألوني شنوو.. لكن مهما الانسان بعد عن ناسه.. يجي الوقت اليرجع فيه لهم... 

*****

خسارة... انا طبعا من مشجعين نادي القادسية.... فديتهم... صج ان حارسهم اليوم فشلنا... على اخر المبارة... لكن الحمدلله كان الاداء حلووو... والجمهور روعه... وحسافه اني ما رحت لها... صج ندمااان ومن قلب....يالله مبروك لنادي الاتحاد السوري...

******

امممم هذا كل الي عندي الحين... واشوفكم بوست يديد قريب

تحياتي لكم