I impressed by Jackson Rathbone

السلام عليكم ورحمة الله

جمعة مباركة على الجميع.. ما ادري ليش احس اليووم شووي غريب

المهم... فاضي وحبيت اكتب شووي.. في بيتي مدونتي لوول

اليوم عندنا عشى... والكل ان شاء الله بيتجمع.. على الاقل شووي نكسر الروتين اليومي الي اعيشه..

احس اني نعساااااااااااااااااان كثر ما نمت وبنام.. هم نعسان.. ما ادري شنو السبب.. يمكن السهر!! لكن السهر لاني اقعد متأخر بالنهار.. وكل ما اقول بعد نومتي ما اعدلها الا اخربها اكثر لوووول

امس.. ملان وزهقااان.. وكنت منزل توايلت اكلبس... المفروض اشوفه من بعد كم سبوع من نزل.. لاني نزلته عن طريق الترونيت.. سوالف بووق وقرصنة ككككككك... لكن ما شفته لانه ما ادري ليش احس بشي غريب لما اشوف هلفلم.. المهم اني شفته امس.. وكاان اممم حلوووو والاحلى فيه هلمره... موو  

Kristen Stewart

الا كانت شخصية ما اكنت منتبه لها في الاجزاء الي طافت يمكن لان كان التركيز كله على الابطال الثلاثة... بس هلمره الي جذبني اكثر.. وحببني اكثر بالفلم.. هوو

Jackson Rathbone

كانت شخصيته حلوووووه حيل... الاسلوب الكلام اللبس.. العواطف كل شي فيه كاااان يجذب... (مايصير ماي بوي فريند ^_^) ههههه

 مع ان كان في منافس له... من وجهة نظري لوول وهوو

Xavier Samuel

بس ما عجبني اكثر من جاكسوون.. فديته لوول

اممممم هلاياام شووي بالي مشغول بكم موضوع... منها موضوع يوم الاثنين.. ومتردد فيه واايد... وبعدين بقول لكم شنو فيه هليوم بس مو الحين...

اما الموضوع الثاني... بأجل حتى التفكير فيه حتى بعد 5 التاريخ من الشهر الياي.. ماادري حتى يمكن افاتح فيه الطرف الثاني او لا.. لان صج صج محتاار فيه

وادعوولي بالتوفيق بالاختبارات والدرجات الحلووه بالواجباات الي تعبت عليهم...
يالله اشوفكم قريب.. يمكن الليله لووول بعطيكم اخر الاخبار لوول
تحياتي لكم