مناحي ومحتار ^_^

السلام عليكم ورحمة الله...

اخباركم ان شاء الله بخير

اممم.. اكثر من واحد يجي يقول لي لا تكتب السلام عليكم ورحمة "الباري" ويجي يقول لي ما يصير.. لان الرسول صلى الله عليه واله وسلم... ما ذكرها في هلصيغة... زين شنو المانع حتى لو الرسول ص ما ذكرها ان انا اذكرها... الله اسم من اسماء الله الحسنى.. ولباري هم من اسماء الله.... يعني مافي فرق .. كلها اسمااء الله.. ليش هلتعصب والتعقيد في الدين!!!

المهم كان مدخل بس.. من زمان ما كتبت شي عن يومياتي.. لان مافي وقت عندي او عندي وقت بس ما كان لي مزاج اكتب شي عنها...

في اسباب شخصية .. ومنها اسباب عاامه هي اثرت علي... وااايد...

ادري ما فهمتووا شنو الطبخه... عادي متعودين علي...

اممم ما ادري من وين ابدي... لكن بعد الواجباات .. والاختبارات الي خربت علينا عطلت العيد.. مع اني ما درست شي في هلعطله... بس هم ما حسيت بطعمها ولا بطعم العيد.. لان كل الي شاغل باالي التفكير بالاختبارات....

المهم باجر عندي اختباار وابي من الكل يدعيلي.. لاني صرااحه مليت من الجامعه هذي وابي اخلصها اليوم قبل بااجر... كافي يعني صار لي خمس سنين فيها ... شنو بشيب وانا ادرس فيها.. على الاقل اروح جامعه ثانيه واكمل دراسي ولا اقعد بنفس الجامعه وانا مو مخلص شي.. وادري الغلط مني.. بس مو كل مره يطلع الغلط مني لوول .. هم الناس ما ترحم للاسف طبعا...

الكل الحين ملتهي بكأس الخليج.. ومنو شاف الافتتاح... احم احم.. انا شفته وصراحه كان بيسط مع انه كاان فيه تقصير وايد.. بس كل بلد وحسب امكانياته... وقدراته... ولو فيها خير الدول  العربية.. كان ساعدت اليمن.. بعداد هلدوره... على الاقل يكون شي يذكر.. لهم وجيل بعد جيل بيتذكرها... بس الكل نااايم والحمدلله ^_^ كلهم حبايبنا .. ولا يزعلوون... ترى مو خاايف ككككككككك

بخصوص مثليتي.. صراحه.. ما صرت مثل اول.. ويمكن هي فتره. وارجع مثل قبل..لكن احس اني تعمقت واايد وضريت نفسي واايد.. قبل لا انفعها.. مثلا.. اني تسرعت وقلت حق بعض النااس اني مثلي... وبعضهم ما كانوا مستعدين حق هلشي.. وكانت مثل الصدمه لهم.. وحتى تغيروا علي.. والبعض لا عادي عندهم... صحيح اني خسرت بعضهم لكن.. كله كوم واهلي كووم...

يعني الشك فيني بس... سوى بلاوي... لي فما بالكم لو قلت لهم اني مثلي... فاول كلمه بسمعها... وخاصه من امي " يما حسين ششنو الناس بتقول عنا ولدكم حسين خنيث!!" طبعا لو ما صار صيااح ^_^ ههههههه

جد جد مناحي هني اقول لك فكر بالخطوه الي تبي تسويها مليون مره.. انت فكرت ويمكن وصلت حق نتيجه انت اقتنعت فيها.. بس انت خلك مكان اهلك واهلك انت.. وشوف شنو راح تكون النتيجة... وعيد وعيد وعيد وعيدهاا مليون مره... لان قرار مصيري انا عتبره...

امس.. قعدت افكر.. قلت لو صبرت وتحملت.. والله غفر لي.. ومت ورحت الجنه بعد ما تحاسبت.. يجي السؤال هني...

لو انا طلبت شريك في الجنه بيكون لي او لا... طبعا انا اخذتها من باب الخمر.. محرم بالارض.. وموجود نهر بالجنه...

صحيح ماكنت ابي اكتب هشي.. بس شجعني بوست محتاار.. لوول. جد جرااائه حلووه... وانا راح اسأل فيها علماء الدين.. ككك يمكن بيزفوني بس على الاقل احصل جوواب لواحد من الاسأله الي في بالي ^_^... عدل

موضوع يديد.. وهو غيرتي... ما ادري شنو سببها بس هي شي طبيعي لاصحاب برج العذراااء.. يمكن البعض يفسرها انها حب او انجذاب مني لهم... بس مو كل غيرتي تكون حب وانجذااب.... واكررها مليون مره هلكلمة.. يمكن اغار عليك . عشان اخاف عليك..  وخوفي عليك هوو مصدر هلغيره... والحين جد قاعد احااول اخفي هلنوع من الغيره.. لانها تحطني بمواقف محرجه للاخر... ولا اعرف اتصرف فيها.. واكون خايف اني اقول شي... واجرح الطرف المقاابل.. يعني سببت الضرر والجرح للمقابل.. وضريت نفسي ... ^_^ ولا شرايكم بكلامي !! جد ابي حل لهلموضوع...

اممم احس اني تكلمت وااايد اليووم يالله اشوفكم باجر بعد الاختباار... واقول لكم شنو صار

بس ادعووولي تكفووووووون... 

تحياتي لكم