مد وجز ... انا والحب

السلام عليكم ورحمة الباري

اخباركم ان شاء الله بخير

صار لي فترة ما كتبت شي .. لاسباب انا نفسي اجهلها 

على العموم... انشغالي في الواجبات بالايام الي طافت شوي يمكن عطاني مجال ساعدني فيه على نسياان حب الاكس الجديد.. 

وصاير هلفترة حساس للاخر... اي كلمة يمكن تكون جارحه حتى لو من غير قصد.. وقاعد احاول بان اسيطر على نفسي كثر ما اقدر.. لكن بعض المرات افقد هلسيطر.. وتكون الدموع هي الحل الوحيد لتفريغ الطاقة السلبية الي اكتسبتها من الحساسية الزايدة...

هليومين نومي رجع تخربط.. صرت انام على الخمسه الفجر او ع السته.... وما اقعد الا على المغرب ... الساعه خمسة... بس ان شاء الله برجع اضبطة... عشان اكمل الدفعه الثانية من الادوية الي اخذهاا...

احس ان هلعيد بيكون يوم عادي بالنسبة... مثل اي يوم بعيشه.. مدري ليش.. بس انا واثق انه بيكون جيي من الحين...

امممم... امس تضايقت وايد وايد... وصار بخاطري.. حتى انه مو من حقي .. لكن ما توقعت هلشي يكون بسرعه!! ما ابي اتكلم فيه وايد.. بس انا ادري الي اقصده راح يفهم...

ما عليه .. ادرس البوست مطشر... ههههههه اكتب اي فكرة جي على بالي الحين... بدون ما ارتبهم...

قبل يومين تقريبا... رجع لي الاكس القديم.. وكلمني.. فرحت انا صراحه.. لكن هو يااي ومتغير حيل.. وكاني ما أعرفه صار لي اشهر..

وطلب ان يكون صديقي... امممم ما ادري شلون بتكون هلصداقة.. لكن انا شرطت عليه... بان اكون صديقة بس ما يقول لي شي عن حبيب له.. وانه ما يقول لي هذي الكلمة الي تذبح... "صديقي" صراحة ما كنت اتوقعها تجي من شخص كنت اعشقة!! لكن هلزمن عجيب... واحس اني شوي شوي قاعد اتكيف معاه... لكن خايف منه وااايد..

احس اني جد.. قاعد امثل.. الحين قدام الناس.. اضحك لهم واضحكهم.. اسمع لهم واطبطب لهم.. واكتم بقلبي كل شي وكاني جبل وصامد... لكن كله تمثيل في تمثيل..

حتى بداية هلبوست... ابدعت التمثيل.. ^_^  كنت بغيره.. بس غيرت رايي عشان لما اقراا المدونه بعدين.. اتذكر كل شي...يمكن تكون لي عبره...

امممم جد احس اني مخربط... تو اتكلم انا واحد من الربع عن نفس الموضوع.. واحس اني اناقض نفسي واااايد هني.. بس... اانا جد جد كذبة الكذبه وصدقتها... وقاعد اعيشها للحين مع اني اعرفها انها كذبه!!!

امممم بس كافي هليووم.... جد افكر اقطع النت فترة..

وما ادري.. يمكن بسويها...

المهم نشوفكم بوست يديد قريب

تحياتي لكم