جنون
امس كنت اقول...
ما عاد لك يالحزن في عالمي تذكار
من عرفته الفرح طق بابي بتكرار
اليوم.. انطق الباب... ولما فتحته شفت الحزن بكبره عند بابي... مبتسم لي وبنظره... يقول لي فيها... اشتقت لك
لكن كنت عايش وهم... عيشني فيه احلى الايام... ايام ما ذقت طعمها من 5 سنين.. واحياااا ورود قلبي.. بعد موتهاااا
لكن من اقبل علي...الحزن... ذبلت هلاورود... واختفى الخضار... ورجع القلب.. كله جروح.. تنزف دم ...
وعلى المراره ... الي خلاها الحزن في قلبي... حيته... وحظنته بقوه... وحسيت بالدفى... رغم برودت حظنه...
لانه.. صحاني.. من غفلتي الي عشت فيها من احلى ايامي... ورحت اقلب.. اللبوم الصور.. ودموعي غرقتني...
تجاهلت الي حولي... من هلي... وهم تجاهلوني بالمقابل... مع ان هلشي يديد عليهم...لان دايما ما اكون مبتسم.. واضحك...
لكن هلمره... غير..مع حرارة الدمعه الي تنزل على خدي... وما زالت للحين... تنزل وبتنزل... دووم...
ما تمالكت نفسي... رحت مسكت الفون... ادور على اسمه.. بقائمة المتصلين... والدمع.. مالي عيني... شبه عادم نظري...
اتصلت... الوو.. بحراره.. هلا والله... بعذب صوته.... اخبارك يالغالي... بعبرة... بخير يالغالي... استنكر صوتي....
استغفرة ربي... طالب عونه ومنه الصبر... قلت.. الصور لك ماااازن... جاني رده... الو الو الو حسين... انقطع الخط...
حرت... طاير اتصلت... الفون مغلق... زادت الصدمة.. وزاد الجرح... اكثر.. واكثر.. وكلها ثواني... ورجعت اتصل... الفون شغال...
ما من رد... شوي المسج وصل... حسين... سوي لي بلوك... امسح جوالي... انساني... انا......... حتى.....
من قريت... حسيت بشعور قريب... نسيت الجرح والصدمة... ترجيته يرد... لكنه ما قبل... تعب قلبه وما تحمل....
خفت.. عليه اكثر... رديت برسالة...سامحته... حلفت له... انه ما همني... ترجيته لا يقطع... قلت له... الكلام الناس... ما همني...
تذكرت... كلامي امس...
ما يبعدني كلام الناس عن هواه
حتى لو شافت العين خطاه
وصلني... جوابه... ما اقدر اكلمك الحين... مو قادر اتحمل... مخنوق ... لازم انام... بعد ما اخذ العلاج... رديت...
ولا يهمك... باجر.. بتصل بس تكفى رد... عشاني.. لو تعزني... وصار باجر... اتصلت وما رد... رجعت اتصلت... وما رد...
مره اخيره... سمعت صوته.. متغير... حيل... كاني ما اعرفه... غريب... اكدد على ان نتقابل بالليل... خلصنا... مع السلامه...
عقبتها... بأحبك... لكن صوت انهاء المكالمه سبقني... مت بعبرتي... ركبت سيارتي... رجعت للبيت بعد ما حضرت اول محاظراتي....
وصلت البيت... بمعجزه... مع الدموع الي ما رحمتني... كل ما تذكرته....دخلنت النت... نطرت ونطرت.. تأخر.. ارسلت مسجات... ويمكن اتصلت.. لكن ما في رد...
وشوي... كلمني... شكيت له حالي... وشكى لي حاله... عاتبنا الزمن... تصافينا... ختم الحديث... "باي" وانا "باي يابعد عمري"
لكن... الشي الي انكسر... صعب يتصلح... عدى يوم بدون ما نتصل وياا بعض... ويجي اليوم الي بعده بتوتر... ووعود... ما تتم صامده.. حتى نهاية الحديث... وصفحات تنفتح... جديدة... تغبر تصير قديمة.. بثواني... لين امس الفعلي...
ما شفت ... تجاوب... بس الصد... جروح... وبرود... نهيت كل شي... وما شفت شي ... لا تنازل... لا تضحية... ولا حتى جبر خاطر...
غير... (ما راح انساك)... ويبقى وعد بيموت.... بيموت
وامسيت عاقل... واصبحت مجنون...مجنون
Comments
يقول علي رضي الله عنه ( أحبب حبيبك هونا ما عسى أن يكون بغيضك يوما ما , وأبغض بغيضك هونا ما .. عسى أن يكون حبيبك يوما ما )
وهذي هي الدنيا حتى الفرح تستكثره على القلب :)
الله يكون بعونك يارب
بس
اكيد فيه شي و مخبي عليك ما يبي يشغل بالك .. اصبر و مردك بتعرف شنو هو
:)
واجمل مافيه واقعيته
ليتك حافظت عليه و تمسكت به كما اول مره
الحمدلله على كل حال
اممممممم... الاممممم هذي تذكرني بمااازن... والظاهر هوو انت...
صدق الامام علي عليه السلام...
تحياتي لك
اي والله يحمدووووه... صج ياااظلم هذا الوقت..
والله يكون بعون الجميع ياارب
الله كريم يالغالي... بصبر والله يعين
منوور والله
اصبحت مجنون بكرا بترجع اعقل العاقلين