خميس وجمعة

بسم الله الرحمن الرحيم

اللهم صلي على محمد وال محمد

يقول بعدالمجيد عبدالله,, "يحلمون .. يحلمون اللي فيك يفكرون
ياخذونك انت مني والله لو يتجنون


يا خذو قلبك مكاني
او ينسونك حناني
قل لهم هاذي اماني
ولا هم ما يقدرون"

المهم مو هذا هو موضوعي بس حبيت اذكر الحب شووي لووول... صار لي فترة ما تكلمت عن يومياتي..
فخلوني ابديها من يوم الخميس الي طاف.. الي بعد ما صحيت الصبح... رحت للجامعة المعظمة .... عشان ادفع تكاليف الكورس..ودفعت.. بالبنك.. لان كان عندي كااش .. اول ما وصلت للبنت.. واخذت الرقم.. شفت بنت طاايره صوبي.. قلت بالي انا شسوي.. ككككككك... فطلعت بنت الاستقبال.. "امر اخوي.. اقدر اخدمك" ... " لا لا مشكورة.. عندي معاملة ايداع واخذت الرقم... يعطيج العافية" بس يازين هلبنت.. تحب عبدالله رويشد.. وحاطه بعد مجنونها ... من البومه اليديد ككككك


المهم انتظرت على ما وصل لي الدور... والخدمة كانت حلوه... قهوى وشاي.. الي تبي... ستاربكس تحت الخدمة لووول...


بس لما دخل واحد... ما ادري وين كان... اعتقد كان نايم بالحاوية... انسان دشداشته صاير طبقات على قولت تركوازي... غير الريحه.. ولا بعد يغازل!!! انا كان ودي اروح واخنقة وافك الناس منه...


المهم.. انا خلصت ودفعت الفلوس.. ورجعت للجامعه مره ثانية.. اعطيهم وصل البنك.. واخذ  الجدول.. وقلت الحمدلله.. خلصت.. لكن انصدمت بمواعيد المحاظرات!!


وكانوا المحاظرتين في نفس اليوم "الثلاثاء".. الاولى.. من 2 - 4 والثانية من 6 - 8.. وانا الي مسجلهم كانت وحده الاحد والثانية الثلاثاء..  رحت لشئون الطلبة.. وقلت لهم.. قالوا عاادي مافيها شي.. قلت له واجبات واختبارات هلمقررين بيكونوا نفس اليوم.. رد علي وقال.. بينهم ساعتين تقدر تراجع... وربي كان ودي امسك راسه واطقة بالي قدامه عشان يصحى شوي....


المهم قال لي روح لقسم التسجيل.. وشوف يمكن تقدر تعدل او صار عندهم لبس... "زين من الاول وقول .. ليش رفع الضغط هذي" .. المهم رحت.. وشفت الدور..قلت كملت والحين الساعه 12.. وشوي ازدحام المدارس.. ما اوصل الا على 2 ...


كانت وحده من الموظفات طالع وتوه دخلت... كان اكلمها وقلت لها مشكلتي.. قالت تعال المكتب.. لما جيكت على الكلاسات الموجوده ما حصلت الا الي ماخذهم انا ... او بصحيح العبارة الي اختاروها لي... قلت لها والحل الحين.. كان تقول .. كنسل مقرر.. بس بنخصم نصف المبلغ!!.. وت ذا فك.. انا تو دافع ما صارت ساعة... بتخصمون بعد... وربي يسرقونك عينك عينك.. كان اقول لها لا لا خلاص باخذهم وامر لله...


وربي هلجااامعه ما تتعدل حتى لو يحطون احسن مدير في العالم....


طلعت.. بعد ما حصلت لي زفه من ابوي.. فوق هذا.. برايه الخطأ مني.. واني ما قدرت اقنع الادارة انه توفر لي كلاس غيرهم... بس ابي اعرف شاالعقلية يعني بيفتحون كلاس ثاني بس عشاني!!! المهم بلعنا الكلام وسكتنا...


رحت .. وشغلت سيارتي.. ورحكت.. وشوي شفت واحد يطالعني.. قلت برايي هذا يبي شي.. ياا اني اوصله.. وهلشي مستحيل اسويها في هلوقت.. او عنده بلوووه.. ككككككك
وكان شاااب لبناني... وصاااير طماطة اردينة من شمس الكويت... كسر خاطري والله
وقفت له.. وبعد السلام.. قال ما تعرف كهربائي هني.. لان هذي سيارة رفيجي واانا ماخذها منه.. وقال لي لا تسحب السايد بريك.. لانه بيعلق.. واانا سحبته... شوفوا المصيبة الي حط نفسه فيها... قلت له اي... قال السيارة الحين ما تتحرك ولا سانتي واحد.. قالت له يالله نشوف كهربائي ونجيبه.... وقعدنا ندور على كهربائي.. وحصلنا واحد.. ورجعنا للجامعة .. ونزلتهم عند سيارته... وقعد يتشكر.. مع اني ما سويت له شي... 


المهم رجعت البيت.. وتو داخل البيت..استلموني .. تعال نعلمك شلون تنظم وقتك.. الحين وسجلت ولازم تسوي لنفسك جدول,,, قلت لهم اوك .. انا بسوي هلجدول.. طبعا ابوي رد.. انت ما تعرف .. احنا بنقولك شلون.. طبعا رفضت.. وقلت له اسف يبااا... انا اعرف انظم وقتي... وسبق نظمته ونجحت .. وجدولكم ما استفدت منه شي قبل ورسبت... كاااان يزعل علي!!!


وطول هليوم وهو زعلان...ولا يكلمني...وانا طبعا مسوي نفسي مطنش... لاني ما قلت شي يزعل.. قلت لهم الواقع بس...


ياا الليل,,, وكان في عرس.. ولد واحد من ربع ابوي الي في المسيد.. قال لي يالله نروح.. قلت له واخوي من يجيبه.. قال انت.. قلت له زين متى بوصل له لو رحت للعرس.. كافي العرس بازفت منطقة.. وزحمة... متى اسلم وارجع لخوي.. رد قال لي انت "مو ريال" .. قلت خلاص انا اروح للعرس وانت تروح لاخوي... كان يهز ايده.. ويطلع!!


طبعا لا تعليق!! 


وخلصنا يوم الخميس واخيرا....كككككككككككك


الجمعة.. المباركة.. هليوم اعتبره من الايام الغريبة الي عشتها... وشفت فيها تناقضات فريدة من نوعها....


في هليوم صحيت متأخر.. على 11 ونص.. وما رحت للمسيد.. واول ما صبحت ويهي فيه.. هوو مزووووووووون فديته .. وكان احلى شي في هليوم...


المهم... كان اليوم يجري "يعني يركض" ما ادري ليش... على ما تغديت.. ورحت انا وخواني انا متفرج واخواني يلعبون كوره.. مع ربعهم باحد الملاعب...


طبعا.. هم... هم ربعي... بس الناس تتغير واايد ... ما ادري ليش...


المهم كاان السلام على الطاير.. هلا حسين اخبارك الحمدلله تمام وراحوا.. مع اني مو شايفهم من شهر وبعضهم من سنه!! الا نادرا...


المهم ما علينا... رجعنا على صلاة المغرب... صليت,, ولله الحمد.. وقعدت اشوف التي في.. مع ابوي ومرت ابوي.. وشوي كان اخوي يبي يروح للجمعية.. قلت له اخذ من فلوسي ويب لي تعبئة.. واشتغلت الاسطوانه المشروخه... انت وين تروح فلوسك.. مصروفك الي اعطيه لك وين توديه..>>> "ابوي الي يقول" قلت له والله ياطويل العمر.. تدري انا دريول.. والبانزين علي.. كل يومين لازم افول السيارة... بانزين.. اما الي اصرفه ما ياعادل حتى 10 بالمية من الي اصرفه على البانزين.. لو تبي اوفر مصروفي.. اشتر لاخواني كل واحد سيارة.. وتنحل المشكلة!! قال انا ما عندي فلوس... وبد التحلطم.. "اوك ما عندك فلوس .. ليش تبي تغير سيارتك!!!" وليش  " تصرف على أخوانك " وعيالهم الواحد منهم مثل الثور... وكلهم يشتغلون!!.. رد وقال اهلي ذولي!! "يعني احنا عيال الشارع!!" انا سكتت... 
شوي ورد قال.. ليش كنسلت خطك القديم.. قلت له هو بأسمك اول شي.. وثاني شي ما ابيه.. كنت بقطع علاقتي بناس.. وفصلته!! رد قال لي احسن من الي عندك.. قلت له يالغالي.. تراه بأسمك الحين.. روح ورجعه لو تبيه... رد وقال شنو لسانك طويل!! رجعت وسكتت... وكملنا الفلم... شفتوا ما احلى الفاصل الاعلاني هذا...


اممم بروح اصلي الظهر واكمل البوست... كككككك


باك.. المهم وين وصلنا.. يب يب.. شوي صاار بينا حديث... وانا زل لساني بدليه.. ماهي بهذيك القوة كككككككككك بس تعتبر بدليه.. وضحكنا وفرفشنا... والحمدلله..


لكن شوي بعد ما راحت السالفة.. وخلصت.. رجعت التعليقات.. وكل شي لو زاد عن حده انقلب ضده.. انا ما ضحكت لان ما صارت تضحك.. ومرت ابوي زعلت.. ليش ما تضحك!!! يعني شلون قصب.. صارت السالفة ما تضحك...


المهم راحت للصالة الصغيره.. وابوي لو يدخلونه مجلس الامة.. كان نحش الكل كككككككككك
بدا بالاسطوانه حقته.. ليش ما ضحكت.. قلت له السالفة ما صارت تضحك.. وبعدين انا طبعي ما احب كل شوي نعيد السالفة,, وهلتفاهات...لانها بتسبب مشاكل.. وانت اكثر واحد,, تنصحنا ان ما نسوي هلامور.. وشفت بعينك المشاكل الي تصير من وراها.. رد وقال لي.. انت مريض نفسي!! قلت له مشكور يبااا.. قال تراددني..! قلت لا يباا أشكرك بس...


وياا العشى.. وقطع الحديث.. لكن النغزات ما زالت مستمره.. تأخر "ابليس" الي هو اخوي..شوي على النت.. وحد من القاعدين قال التالي " الريايل الي تقعد على النت.. تحسن مكاو**,, عشان يرك** بعض" وما بقت ريايل في الديره.. كلها صارت مخانيث.....
كككككككككككك بالله شنو الرد الي بيكون على هلكلام!!!!
لا تعليق اكيد... انا مت من الضحك... وسكتت..والجوو كان مكهرب للاخر.. بس ما تحملت ككككككككك


صج صج انتكاسه في الدين والاخلاق!! وما ستر اعظم ككككككككك


المهم هذي يومياتي الحلووه..شفتووا والله تصلح مسلسل كككككككك


واشوفكم بوست يديد.. وبحاول اكتب موضوع شووي مهم.. 
ووسوري لو كان يكدر.. بس مافي مكان اكتب فيه هلامور غير هني,,,


تحياتي لكم