افكار مطشره

بسم الله الرحمن الرحيم

اللهم صلى على محمد وال محمد

السلام عليكم ورحمة الباري

راح يكون البوست عن افكار مطشره واحاول المها...

المهم.. امس حسيت بحساس شوي مب غريب علي.. لكن اول مره احسه من فترة طويله.. لما يجيك احساس بأن شخص معين تعزه وايد.. او تحبه بجنون... وتشوفه قدامك.. وسهل تتواصل معاه.. لكن تكون مقيد بشي معين.. شي يخلي الطرق الي متاحه لك .. صعبه لدرجة كبير.. ساعتها تحس بمشااعر غريبه. ومنها تتمنى انك ما عرفت في هلانسان ولا شفته.... وبنفس الوقت تقعد تصبر نفسك... وتخلق لها جوو يبدل هلسلبيات الي ايجابيات... لكن هلاحساس ما بيموت داخلك .. وبيظهر كل ما تمر في هلحالة... جد صعبه

اممم موضوع ثاني.. ويمكن شووي بعيد... دايما الي يسألوني عن الحب.. ولما يعرفون انه مو من ديرتي.. يقولون لي ليش انت حبيته.. ليش ما حبيت واحد من ديرتك.. يكون كويتي.. يكون قريب منك.. واذا عرفوا راي الحبيب بالمثلية ينصدمون... امممم ... واذا عرفوا نه باااي بعد.. يتعجبون اكثر مني.. وشلون ان احنا مندمجين مع بعض.. مع كل هلاختلافات... 

انا بقول لكم ليش... اول شي الحب شي غريب.. ما ينعرف له... واخوي مستر احمدوو.. ان الحب العاطفي... بابه مغلق.. ومفتاح هلباب عند انسان واحد من بين هلخلاق... وهلشي مو بيدنا..

لا يعرف بيعد ولا قريب او احتا انهم متناقضين بالافكار.. الحب يحطم كل هلامور... ومع تنازل الطرفين عن امور معينه وبالتضحية والاخلاص والصدق لبعضهم.. راح تقوى العلاقة اكثر واكثر..

نرجع على موضوع الاهل... بعد هليومين الي طاافوا وكانوا زعلانين علي.. اليوم يوو وكلموني.. او تقدرون تقولون شافوني انا مو زعلان واكلمهم واتواصل معاهم بكل الطرق... ويمكن حسوو انهم غلطانين.. المهم يت لي امي.. وقالت "  احنا مو زعلانين منك.. احنا نبي مصلحتك.. وكلام الناس يذبحنا ويقهرنا.. وبعدين حتى انت الي تسويه هذا الشي مو بيدك.. الي فيك مسيطر عليك.. مخليك مبتعد عن دينك وعن اهلك وناسك.. وفوق هذا اصدقاء السوء الي انت مخاويه.. وحتى الناس صارت تاخذ عليك فكره انك جنس ثالث... واحنا نقول لك هلكلام عشان تنتبه حق نفسك... ولو انت ترضى نروح حق طبيب نفساني واحسن طبيب.. ونخليكم مع بعض.. وقوله كل شي بقلبك.. عشان ترتااح.. وهو يوجهك للصح... (انا : لا يما شنو طبيب نفساني بعد... وشنوو مو داري عن نفسـ....) امي: لا يااحسين هلشي احنا نعرفه مو بيدك وربع السووء مأثرين عليك وايد.. وابيك تعاهدني انك تنتبه حق نفسك وتبعد عنك هلافكار.."

امممم شنو رايكم بالله... انا صراحه عجزت منهم... مهما سويت نظرتهم ما تتغير... والي يتكلم عني بسووء هو كل يوم يدخل بيتنا.. وادري فيهم.. بس شسوي ما اقدر اطردهم وما ادري لين متى بتحمل....

نرجع على امس... بعد ما صابتني الحالة الي قلت لكم عنها اول البوست.. كنت ناطر توو موصل اخوي للجامعه.. والمفروض ارجع للبيت لو ما نطرته بالجامعه... بس رحت انا افتر بشوارع الديرة... لمدة ساعتين.. ما ادري وين اروح وليش افتر.. ككككك كنت بندعم مرتين... ككككككك وكان بالي مشغول حده .. احسه مثل الخلاط.. ولا فهمت منه شي ابد...

المهم... بروح الحين... لان اهلي عكرووا لي مزاجي وهو بحاله مو تمام..

واشوفكم بوقت ثاني

تحياتي لك