بيستمر!

بسم الله الرحمن الرحيم

السلام عليكم ورحمة الباري

اخباركم ان شاء الله بخير...

احس ان الوضع قاعد يتعدل معاي على البطيئ حيل.. صج امر بأوقاات الله العالم فيها وشلون حالي بسببها... لكن رغم هذا في شي يعطيك امل ولو بسيط,,,

اول شي... بخصوص حبيبي فديته..

اليوم يطلع من المستشفى للبيت... واتمنى بس اسمع صوته مره ثانيه... ما ادري

يمكن لو كلمته .. ما اتمالك نفسي واصيح "على قولت الاماراتين" ما ادري اخااف اكدر خاطره وبعدين مو زين عليه... وهذا قلب... بس مشتااق له مووت.. 

وثاني شي... الجامعة

هذا الاسبوع غيروا مديرنا ,,, بعد معاناه وشلعت قلب بسبته.... 

واول ما سواه المدير اليديد الله يجزيه الخير... رجع كل الي وقفهم المدير القديم..

واليوم العصر ان شاء الله بروح للجامعه واكمل اجرائات استكمال دراستي...

والله كريم..

ثالث شي.. تفسير لبوست امس..

اتمنى من الكل يسامحني.. عليه.. لاني كنت منهاار بالمره.. ولا كان عندي حد راح يسمعني.. وحتى لو في .. ما راح يفهمني  ,, واسف واسف مره ثانيه

رابع شي.. بوست تغير اللنك والاسم

كنت بغير اللنك والاسم.. لكن اقترح علي غرور اني بس اشيل بياناتي الحقيقية واكتفي بس بالاسم الاول.. الي هو اسم المدونه.. وجي ما اخسر زواري ولا معارفي

اممممم

هذا  كل الي عندي الحين

واشوفكم وقت ثاني

بعد ما ارجع من الجاامعه

تحياتي لكم