مو عشانك ألا عشانه

بسم الله الرحمن الرحيم

السلام عليكم ورحمة الباري

اخباركم ان شاء الله بخير,, حااب افضفض شووي اليووم...

بما ان حبيبي بالجاامعة ,,, والكل لاهي 

طبعا راح يكون شوي في غموض,,, لان الموضوع اصلا شخصي بس انا اعتبر المدونة هذي مثل مذكرتي الشخصية,,, 

خلوني ابدي شووي بموضوع اقدم,,,

ما كنت اتوقع ان في حساد وايد,, وبكل معنى الكلمة ...

ما كنت اتوقع ان يجي يوم وفيه واحد ياحول يفرق بيني وبين من احب,,, ما انكر انها ما صارت لكن مو بنفس الطرق هذي,, ان يجي واحد يقول كلام لي ,, عشان يشعل نار داخلي,, ويروح يقول كلام ثاني لحبيبي... ما ادري ليش النااس جيي ما تحب للناس مثل ما تحب لنفسها,,,

والمشكلة اني ما لي علاقة فيهم لا من قريب ولا من بعيد,,, مجرد انهم لقيتهم على الفيس بوك كاا اصدقاء مشتركين,, غير طبعهم هلبشر...

اما امس بليل,, اكتشفت شي يديد,, ان طول هلوقت الي استمر تقريبا سنة الا كم شهر,,, كان في انسان كنت اعتبره قريبين.. ولا كنت مرتبط فيه.. يطلع بالاخير ما يختلف عن الباقي في شي,, رغم انه منفتح,, رغم انه عايش في الخارج ودولة تحترم حقوق المثليين,, رغم دراسته بالعلوم الاجتماعية.. رغم كل الي بينااا... لمجرد اني طلبت منه ان نقطع كل الاتصالات بينا.. لمصلحتنا احنا الاثنين.. بعد ما صارت علاقتنا بعض شبه مستحيله.. ولا نعتبر من اخطائنا.. والبعض يفقد السيطرة على مشاعره... يحن للماضي مع انه صعب يتصلح... ما انكر كاانت في محاولات انه يتصلح.. لكن الشروط ما تناسب الطرفين.. المهم انه اعترف انه يعتبرني "خنيث" وان ارتباطه فيني عشاان بس يصلحني .. طبعا مو غريبه عليه.. اذا كان ارتباطنا عشاان يكون تقربا لله على حسابي!!! مع انه يدعي انه يحبني.. لكن امس قال شي ثاني.. انه يكرهني ومن كل قلبه!!! وانه ندمان على انه ارتبط فيني في يوم من الاياام!!! وانه ما كان يدري شلون سوى جيي!!!

ويزعم اني احبه بس اكابر... صحيح احبك لكن الي احبه ماات من زماان بنظري.. والف ومليون مره انبه عليه انه تغير,, لكن ماينفع الكلام ولا يأثر... 

فأتمنى انه ما يكون سبب خراب علاقتي مع من حبيته من كل قلبي واتمنى قربه وشوفته,, واموت على الارض الي يمشي عليها...

هذا سبب رفضي انك تقطع اتصالك فيني وفيه,, مو عشانك لكن خوفا منك لانها مو اول مره تسويها فيني...

هذا كل الي عندي الحين,,, واتمنى اني ما كدرتكم معااي

واشووفكم على خير بوست يديد

تحياتي