ليله من رمضان

بسم الله الرحمن الرحيم

السلام عليكم ورحمة الباري

اخباركم شباااب ,,, وسوري انشغلت عنكم شوي

وتعرفون رمضاان,, والكل مشغول,, بدنيااه

مع اني كنت متواجد على النت كل ليلة,, بس حبيت اوقف شوي عن الكتااابه

لاني محتااجها,,, هلوقفه لاعيد ترتيب اموري,,,

بفضل الله كملنا عشر اياام من رمضان,, والامور حلوه

صحيح اول يومين كان شوي متعب,, والصحة شوي تتدهور على ما يتعود الجسم على الصوم,,, والحمدلله عدت الامور على خير,,,

واممممم وشوي هذا رمضاان ملل,,, صراحة,,

اكثر البرامج مكرر ونفس الفكرة,, وباااايخه

وحتى الافلام,,, للحين ما صفيت الا على

كريمووا ,,, وصرااحة فيه مواقف تبجي,, وانا بس اداري دموعي لا تفضحني هههههههههه

وليلة عيد,,, قصته حلوووه,,, ولها معنى,,, اما الباقي,, صراحة مزبله,,

ولا عيااوزة اتجوزج,,, ومنو ماسكج هههههههههه

والقعقااع,, طلع باايخ شوي,,, وصراحة احس فيه امور مالها معنى واايد,,,

يعني القصه على القعقااع والتركيز اكثر على شخصيااات ثانية,,

ما ادري بس الاسم جيي مختارينه,,, وصج شنو سالفة الشاارع الي مصورينه في الفلم,, هههههههه ما كنت ادري بعهد الرسول ص في شوارع من قااار هههههههههه

ما علينا,,, منهم,,,

صرت ما اشووف احد يكتب لا غرور,, بس صااير يطالع الافلام,, يكلمني بالفواصل الاعلانية,, حسسني انه اعلان قيمر كي دي دي ههههههه,,,

ولا منااحي,,, اختفى بالمره,,, ولا باقي الشباب,,,,

الا كم واحد فيهم,,, ييالله ان شاء الله نشوفكم قريب,, ونشوف يديدكم,,

في كم موضوع بتطرق له,,, وطبعا هو رااي شخصي بس,,

بخصوص,, الافصاح عن مثليتك لاحد افراد العائلة,,

طبعا وايد ناقشنا هلموضوع وشنو سلبيااته وايجاابيااته,,

لان الي الحين اشووف نااس وايد قااعد تجاازف في هلامور,, واولهم انا لووول

مثل انا او انتي ,,, افصحنى عن مثليتنا,, للاخ او للاخت,, وتقبل الفكرة انك مثلي,,

حلوو بداية حلووه,,, بس لا تتوقع من اخوك او اختك المغايرين,, يرضون انك تكون على علاقة في شخص من نفس جنسك,,

الكل يعرف ان علاقة الشااب بالفتااة قبل الزواج مرفوضه في مجتمعنااا وحرام ,,, وفيها حتى دم للركب,,,,

فما بالك انت المثلي,, لما تكون على علاقة مع شخص من نفس جنسك في مجتمع يعتبرك ,, انت انسااان على غير الفطرة وانك تسوى منكر ومن الكبائر بعد,,,

فأتمنى من الكل انه ما يستعجل في الحكم على الي افصح لهم بمثليته,, وانهم من الغير مبالين او المؤيدين له,,, لان مافي شي على السااحة يمس هلموضوع بصله!!!

لكن وقت الزواج او الاحسس فيك انك على علاقة بشخص,, راح تختلف نظرته وحتى تصرفاتهم معااك,,,

الموضوع الثااني,,, رمضااان وعاداتنا,,

كل مسلم ,, يعرف حدوده في رمضاان,,, وفي اداب واخلاق لازم نلتزم فيها

عشاان نكون اكملنا صيامنا لاخر النهار,,,

وكلها 30 يوم او 29 يوم,,, يعني نتحمل الضغط النفسي الي نواجهة في هلشهر,, وما نكون معارضين الكل حتى احنا كمثليين ما نختلف فيه,,,

اسمع اغاني وارقص ومارس الي تحب حتى الجنس بس بعد ما تفطر,, ولازم تمسك مع الفجر,,,, بس مو انك مثلي,,, خلاص انا حر!!!

الا اذا تبي تكون على دين ثاني هذا راجع لك,,, وعلى فكرة حتى المراهقة,, ما تمنعك من الصوم,,, واتمنى ان الكل ما يزعل من كلامي,,, وهو رأي بالاول والاخير,,,,

الموضوع الثالث,,, هو بخصوص

AGP

وقبل كل شي اتمنى من الكل انهم ما ياخذوون الامور بحساسية ويزعلون,,,

اول شي انا مثلي مثلكم يعني الي اسويه هو بس مساعدة او جهد شخصي ولو بسيط عشاان قضيتنا وقضيتي,,, وبالاول والاخير اجتهاد شخصي وتشكر عليه,,,

والي ما يقدر يسااهم في شي يعتذر مافيها شي,,, ما ابي اعاتب حد,, بس على الاقل ردوا على المسج الي اطرشه,, وتحياتي لكم واسف ان قلت شي زعلكم,,,

طبعا الكل مو عاجبه التصميم اليديد الا قله,,, فرجعنا الشعار القديم,,, والي فيه معاني وايد مرتبط مع بعض,,,

الموضوع الرابع,,, والخامس ,,, بجمعهم,,,

وعشاان ما يتم شي في قلبي ,,,,

بخصوص الي سكر بلوقة,, ويمكن زعل,,, مني!!

على فكرة انا ما قلت الا الي اشووفه صح,,, وهو رااي شخصي فيني,,, اكتب الي تبي وعن الي تبي,,, وفي حدود مدونتك بس ,,, لا تتعدى على الاخرين وفي مدونتهم,,

هذا الي كنت اقصده وبس,, وهي غلطة وتصلحت,, يعني على شنو الزعل!!!

والشي الثاني,,, وما ابي اعاتب فيه بس ابي ابين للانساان هذا

شلون هو سطحي واايد,, لما طرشت المسج وباركت على رمضاان,,,

على فكرة,,, ما كنت اقصد فيها شي غير المباركة,, واني سويت تحديد الكل وطرشت,, والعتب على الفوون انه حددك معااهم,,, *)

وقت الحسااب هااا,,

وياا حلوك لما تلف الموضوع وتبري نفسك,, ما علينا,,,

الحين نجي,, لحياتي الشخصية,,,

كل يسأل ويقوول ليش ما تكتب ,,, لوول

تو ادري اني مهم ههههههههه شااف نفسه :)

المهم,,, صراحة مافي شي يديد...

غير ان العايله تنجمع على الفطور,,,ويحلا فيهااا الاكل,,

ومع انه ما تخلي من الهواش بعض المراات,, لكن التدخل السريع جااهز,,

ونقطع نزااع القووم,, ههههههههه

مراات اقعد افكر,,, واقوول لو ساافر واحد من الاهل او طلع بره البيت

ليش البيت يكون هاادي,,, والكل متفاااهم,, ودايما تطلع لي النتيجة وحده هي ان عدد افراد عايلتي فردي,,, وهني يضل واحد بدون ونيس له هههههههههه

فتصير المشااكل,,,, ههههههههه فأنصح الكل انه يحااافظ على عدد عائلته الزوجي ههههههههههههههههه ,,,, >>>> محلل اجتماعي :)

على الصعيد الشخصي,,, طبعا حتى في رمضااان الحصاار ما زال مستمر,,

ما طلعت لاي مكااان,,, غير الصالون السوبرماركت,, والسوق,, المستوصف والعيادة,,, حيااة تعيسة ولله,,,,ههههههههه

والي يبي حارس شخصي,, ليوم واحد يجي يصير مكااني ههههههههههه

والله حااله,, ما علينا انسوواا,,,

يالله اليووم كثرت بالكلام واايد,,,

اشووفكم المره اليااية في امان الله