بداية اغسطس,, عجيبة

السلام عليكم ورحمة الباري

اخباركم ان شاء الله بخير,,,

بداية هلشهر كانت مره عجيبة,, وكلها مشااكل,, ما ادري

شنو بعد,, بيصير في هلشهر,,

ما ابي اتكلم عن الي صاار في 31 -7 و 1 -8 لان صراحة

لا تعليق عندي عليه,,,

ببدي.. من اليوم الصبح الساعة 2 الفجر,,, والي كانت بداية

بزعل الاهل ,, مره ثانيه على اسباب تاافهه.. وكل يوم اشوف انهم ينزلون لمستوى اقل من الي قبله... شي غريب وااايد.. شنو الي تغير ما ادري!!

بعدها,, صاارت احداث ومشااكل مع ربعي في النت,, والله يجاازي الي كان السبب,,,

لكن انا غلطاان وتأخرت,, بحل الموضوع,, من الاول ,, وافهم الكل على الاشكالية!!

:(

المهم,, في الاخير انحلت الامور,, لكن بخساارة نااس ,,

ويمكن هذا افضل الحلول,, وان كنت سبب المشااكل في حياة انساان,,

افضل اني انسحب,, ولا احط عمري,, بمواقف لا احسد عليها,,

المهم,, بعد صلاة الفجر,, رحت انام,, لكن جفاني النوم لين الساعه 7 تقريبا,,

وتو نمت,, واقعد على صوت ابوي,, حسين اقعد,, تاخرت على موعد المستشفى,,

قعدت,, وتزهبت,, ورحت للطبيب,, "موعد التغذية".. وكل العادة,, لازم من شي يصير!!

وصلنا الحمدلله بسلامة,, للمستشفى,, وكاانوا بقمة الاخلاق,, واول مره اشوفهم جيي

يمكن لان المديرة,, كاانت موجوده ,, هههههههه ,, بس كاان شي طيب ,,

الكل يداريك,, هههههه وناسه في نااس تهتم فيك,,,

رحت على الوزن,, عشاان,, يسجلونه بالملف,, وكاانت المفاجئة,,

اني نزل فووق 7 كيلو,, في شهر,, :(

وانا كنت ,, اذبح نفسي عشاانهم واحافظ انه ما ينزل اكثر,, لكن شسوي

رحت عند الطبيب,, وهو قااعد يشوف الملف,,, قرا اول مراجعه لي,, وانصدم

ان الدكتور القديم,, ما سوى لي شي,, في 2007 كنت مراجعه,, وكنت اعاني من نفس الموضوع,, فقد الوزن الحااد,, ولو يدرون ليش او سألون,, :( بس وين الكل لاهي بهمه ولا هو داري عن الثاني,,

المهم,, كان الدكتور القديم,,, هو مدير التغذية يمكن!! المهم كاان مركزه كبير,,

وعراقي,, <<< على بالي العراقيين عندهم دكاتره على مستوى,, بس دامه بالكويت,,

اعرف انه مو شي,, لان عمرهم ما ياابو دكتور فيه خير,,, هههههه

بعد تعليق الدكتور اليديد على الملف,, والفحوصاات,, وكلها تمام,, الا نسبة الاملاح في الكلى مرتفعه,, عشاان ما اشرب ماي واايد,, وباقي الامور تمام,,

فنصحني,, اني اكثر من المااي,, واني اطلع اتمشى,, والافضل ادخل نادي رياضي "الجيم"..

وعطوني,, جدول امشي عليه,,, وانواع الوجبات الي لازم اكلهم كل يوم,, وبأنتظاام..

وان شاء الله احااول اني ,,, ألتزم فيها,, وبعد رمضاان ادخل الناادي,,

والموعد الياي راح يكون في 1-9,, وان شاء الله خير,, بس انتم ادعولي,, ^^

طلعت من المستشفى,, اجيك على السياارة,, دهن والخ,,

وانا صاافط انطر الدور,, يجي واحد اثوول وربي,, يدعم سيارتي,, ولا قاال ما شفت الدعامية,, شالعمى هذا.. سياااارة جيب ,, ما تنشااف دعاميتها,,

بس الحمدلله هو سيارته,, تعورت ههههه ,, الله لا يبلانا

وصبغ الجانب الايمين لسيارته خرب,,, كسر خاطري والله,,

شريت له عصير<<<< بردت قلبه لا يصير فيني شي وانا راجع البيت لووووول

ولا كاان الجوو حااار,, فرن هههههههه

رجعت البيت,, وكان عندنا عيال عمي,, ومنجمعين على الغدى,,,

المهم,, رحت اشووف الاهل "امي" الزعلانه لوول,, سلمت ردت السلام,,

طبعا في طبع خاايس واعترف فيه,, الي يغلط بحقي,, ما اتنازل له واعتذر ,,, حتى لو اهلي

فقلت لها,, واحد دعمني,, هي ضحكت,, "منصدم" .. قالت هذا انذار لك,, <<< ما ادري على شنوو,, اعتقد الله ما يرضى بالظلم,, بس هم ماادري شلون يفكرون,, سكت,, ورحت وقعدت مع عيال عمي,,,,

تمينا لين صلاة المغرب سوالف,,, والي ناام بعد الغدى والي راااح عنده شغل,,

وصليت وتمت لين السااعه 9 ونمت,,, سااعه اتقلب بالفراش... مع اني تعباان ,, وما اقدر افج عيوني,, بس مافي نووم والفكر, شغال 24 سااعه,,,

نمت لين 12,, وقعدت,, وللحين قااعد,,

والباال للحين مشغوول,,

وهذا 3 بوست اكتبه وامسحه..

:(

صحيح.. مدونة البرايد العربي,,, فتحتها امس,, واتمنى من الكل التفااعل,,

ويقترح علينا المواضيع المهم,, الي لازم تكون فيها,,

وهذا رابطها,,

http://arabgaypride.blogspot.com

يالله اشووفكم بوست يديد,, ان شاء الله