انت شمسي والقمر

بسمه تعالى

السلام عليكم ورحمة الله

اخبااركم عساااكم بخير,, ان شاء الله

اول شي,,,

ووفيت بوعدك,,, يا غرور فديتك والله

المهم رجع فتحت المدونة من يديد وهذا عنوان مدونته,,,

http://3almn-2a5r.blogspot.com

ونقوول لك مشتااااقين لكتابتك ياااا اغلى ناااسي

ثاني شي,,,

اعتذر عن البووست الي طااف وغموضه

والسموحة على عدم ردي لان صراحه ما اقدر اقوول شي 

غير الي قلته,,, السموحة من الي ردوا علي,,,

المهم ندخل في الموضوع,, 

دردشة,,,

يوم السبت,, كنت نايم الساعة 6 الفجر,,, وصحيت الساعه 9 الصبح

كان عندي مقابلة ,,, او بالتحديد اروح اقدم على وظيفة بسيطة نص دوام ,,,

المهم ,,, رحت الصبح وقااالوا لي تعااال العصر,,, ورجع للبيت وانا كنت في يومها

مريض,, مع ان من قبل ساعات مااا كان فيني شي بس لما صحيت من النوم وانا احس بالارهااق ,,, واكيد السبب مو من قلت النووم,,, يمكن في سبب ثاني ,, المهم ما رجعت للبيت على طول رحت لفيت في السوق مع الوالده,, وكانت كل ما تدخل محل تذكرني في موقف يوم رحنا انا وياااها,,, نشتري هدااية حق طليقتي,, وكل شووي تزيد همي

لكن شسوي ,,, غير اني اسكت واغير الموضوع,,, او اتجاهل الكلام,,

المهم,,, رجعنا بعد صلاة الظهر للبيت,,, وكنت بقعد شوي على النت بعد الصلاة والغدى,,, بس وانا اتغدى حاااشني صدااع نصفي بسبب تمزق بشبكة العين,, الي هاملها وما سويت عملية الليزر لليوم,,, وماا دري متى بسويها,,, والوقت يمر,,

حتى ما كملت الغدى ورحت نمت على طوول قبل لا يزيد الصدااع لان الضووى يزيد العوار,,, المهم على الساعة 3 ونص العصر,, قعدت من النوم,,, وما زلت مصدع,, واضطريت اخذ بندول,,, ولبست ملابسي ورحت بطلع ,,, وابوي صاح علي ,, حسين انتظرني انا ياي معاك ,, ابي السووق شووي,,, انتظرته ورااح معااي,,,

رحت للشركة مره ثانية,,, وقدمت الاورااق ,, وكان المسؤول مصدووم ,, مني

وعلى الشهادات الي عندي والخبراات,,, وقال,, حرام تضيع وقتك في هلوظيفة,,

وغير الكلام الي كله مجاملات والخ والخ,,, لكن رديت عليه اشتغل احسن من اني اقعد في البيت,,, واخذ الاوراق مني,, وقاال بنتصل فيك ان شاء الله,,, وللحين ما شفت شي

المهم,, طلعت وفريت مع ابووي وانا كنت داايخ,,, حدي وتعباااان

حتى الوالد حن علي اروح للمسيد ,,, واعتذرت لان كنت تعبااان حيل ولا اقدر اقوول لهم,,, اني تعبااان,,, لان الي فيهم يكفيهم

لان الشي ما يستااهل,,, ومع البندول كل الامور صاارت احسن شوي والحمدلله

المهم,,, بالليل قعدت على النت كالعادة,,, وكنت اكلم واحد من الربع "يعرف نفسه" والحين قااعد يهاوشني ,,, لووول,,, تكلمنا شوي عن بعضنا والي صاير معانا وعلى قولته اول مره من فتره نحس انا قريبين من بعض واايد من فترة ,,, واتمنى هلشي يكوون دووووووم

بس بوقته نسيت اني مريض ^ ^

انت شمسي والقمر وانت ايام العمر انت الهوى وانت الدوا وانت مو اي حب يمر

امس,,,


قريت موضوع,,, في مدونه واحد,,, وصراحه ضيق خاطري واايد,,, وما كان في يدي شي اسويه,,,
والله كريم,,, بس حبيت اقوول عساي بالموت,, لو تشمتت فيك بيوم,,, مو هذا طبعي يفلان,,, وبنفس الوقت فرحت لك والله يفرجها بويهك


اليوم,,,


وبعد مسلسل الاحلام,,, الي ما تخلص,,, والم اسناني,, الي يزيد مع الاكل,,, نقول الحمدلله على كل حال,,,


وكان في بالي سؤال’’
ليش نحب نتمسك في شي مو لنا؟
ونحب ونتلذذ بالعذاب الي يجي من ورا هلتمسك؟

يالله اشوفكم بوست يديد وقريب
ان شاء الله