وقفه عند عزيـز
بسم الله الرحمن الرحيم
اللهم صلى على محمد وال محمد
السلام عليكم ورحمة الباري
شلونكم شخباركم
ان شاء الله بخير
المود..
نص ونص
وبما ان المود نص ونص راح يكون البوست حده حده
الجامعة..
الموقف الاول...
اليوم كان عندي محاظره اكسترا
وكانت اغلبها ضحك وناسه
طبعا هذا هو نظام الدكتوره
لازم تضحكنا وصراحه حببتنا في المقرر الزفت
المهم مو هذا الي بتكلم عنه
الموقف كااان ... تصوروا معااي
طرق الباب... دخلت... سلم الواجب.. طلعت
صراحه احنا والدكتوره بالعربي مصدومين
بدون سلام وبدون كلام وياليت كان ريال...
كانت بنت ... ومن هلبنات الي لابسه ضيييق
وفاله الشعر....
صراحه موقع غريب ... انا بوقتها مت ضحك انا ورفيجي الي وراي
خخخخخخخخخ
يعني ما ادري وين داخله ... على دارها مثلا...
صج بنااات اخر زمن
الموقف الثاني
اول مره ومن 4 كورسات
واحد من الطلاب الي معاي
كبير في العمر...
اول مره يسلم على الكلاس كله وهو يوزع ابتسامات
صراحه شي يديد عليه ... لان هو عادته مبوز يقعد في اول الكلاس وعند الباب
اما اليووم كاااسر العاده
ما ادري... الناس نايمه وتوها صحت؟
وقفه عند عزيـز
ملاحظة اللون جذي ما اقصد فيه شي لووول
يالله ما بقى شي
ونشووف الحركه في مدونتك....
وخل الي عطوني وعد للحين ما شفته هف منه
اممممممم
وبس ما عندي شي يديد
يالله اشووفكم باجر او بعده
حسب المزاج ....
في امان الله
Comments
مدام مود نص نص حتى كومنت بيكون نص نص !!
وو بخصوص الجامعة الي دخلت هااذي اكيد تبي تسوي دعاية حق عمرها
او تبي تراويكم انها ثقيلة مب سوالف وجي لوول
اما بخصوص ريال كبير في سن ف خلني اقولك عن اكتشافي لوول
اعتقد مب نحن الوحيدين الي عندنا اهداف 2010 ف اكيد بتلقى هالانسان سوا نفس شيء لوول
وقفة لعزيز ابا افهم منوو ها ؟ وبعدين شو الوعد الي تتكلم عنه
حاول تكسر هالجدار وتكون صريح اكثر ^^
وو تحياتي لك
تركوازي :)
لوووول يعني بترد على قد البووست
لوووووول
بخصوص البنت لووول الظاهر تسوي دعاايه لووول
والله كنت اتمنى الدكتوره تفشلها بس الدكتوره طيبه
هههههه
اما الكبير في السن مو كانه تأخر شووي بتحقيق هدفه ههههه
العزيز انت .... والوعد كنت اقصد فيه علووي
والحين كسرت الجدار هذا لوووول
حيااك الله يالغالي
حسوون