ثمرة لقاء مع النفس

بسم الله الرحمن الرحيم

اللهم صلى على محمد وال محمد

السلام عليكم ورحمة الباري

شخباااركم عسااكم بخير

صاار لي يومين تقريبا ما كتبت شي

مع ان كثير اموور صاارت لي

وكلها لها اثر بحيااتي

سواء كان زين او شين...

الكثير منا تمر عليه ايااام يفقد الاحسااس بالماضي

يفقد حبل الوصل بين حاضره وماضيه

لكثير من الامور الي اشغلته في هذي الاياام

سواء عمل.. علاقة... ارتبااط.. مرض لاسمح الله

لكن

لابد من يوم من الايااام يتذكر كل ماضيه بأدق تفاصيله

حلوه.... ومره... فرحه ... ودمعه

لك يا علي هذا الكلام

قبل اخر محادثه او محادثتين جبرتني ان اقعد لحالي

وافكر مره ومرتين وثلاث واربع بالي ابيه 

والحمدلله النتيجة كاانت مثمره والله يعطيك العاافية

على هذي النصيحة الي عطيتني اياااهااا

وبنفس الوقت... تكلمنا في موضوع جانبي "الضحاايا" لووول

فبعدين لما رحت انام قعدت افكر بكلامنا الي دار بينا

وحسيت باحساااس غريب اول مره احس فيه

وكأن كنت فاقد الذاكره وتووو رجعت لي

او كنت مصدووم بحدث صاار لي وفقدت الذاكره

وبكل صراحه

كانت افكاري تبدي من لحظة معينه

وكان الماضي يوقف عندها والعقل ما يتذكر الي قبلها

بس ليلة كلامي ويااااك الحلقة المفقوودة الي تربطني بالماضي

حصلتهاااا

تعرف... كل الامور تذكرتها صغيره او كبيره 

وكاني امس عايشها

اياام طفووله او شباااب.... الشيب للحين ما وصلنا له لووول

بس جد جد جد جد احساااس رائع وعجيب بانك تعيش ماضيك بكل حلووه ومره

امممم شبقوول بعد والله لسااني يعجز عن وصفه

علي.. اسمك علي بعد شتبي اكثر من هذا

لووول

الله لا يحرمني من شووفتك دوووم وابدا

والله لا يفرق بينا دنيا واخره 

والله يووفق وييسر لك كل امورك

البعد عن شخص صعب

واتكلم عن بعد الاجساااد... سواء مساافه اوعلاقة 

البعض ... يشعر بصعوبه هلمسافة وهلفراغ الي يحيط فيه

والعاشق اكثر الاشخااص منا احساسا فيه

فلا تستغرب من ظهور المشاكل... عدم التفاهم بين الطرفين مثلا..

او تناقض الشخصية ... يعني يكون ولهان على حبيبه ولما يتواجهون

تكون الامور اكثر تعقيدا... ولا تلومون العااشق.. فالامور تتخربط عنده

اما احنا الاحباب علينا الصبر على هذا البعد.. وتحمل كل الامور الي تحصل

بسببه

صحيح صعب ومتعب بس يهوون لاجل لحظة

 تلتقي فيها القلوب والارواح وتتحد الاجساد...

يمكن استاايل البووست تغيير بس لكل حقبه مميزاتها 

لووووووول

اعتقد اني اكتفي اليووم بالي كتبته

على ان ألقاكم في بووست قريب

هليوومين ان شاء الله

وسلامي للحبيب وللجميع