ازمت 12 ديسمبر
كلعادة بيدت يوومي طبيعي..
بس هلمرة صحيت على الساعة 12 ونص
وكانت الصلاة طافت علي...
وعندي محاظرة بالجامعة على الساعة 2 الظهر
على السريع
صليت واكلت لي شي قبل لا ارووح للجامعة..
وكنت مستانس لان اليووم راح اشووف نتايج المدتيرم والواجب...
في بداية المحاظرة الدكتور تاخر شوي
وكان عن الادارة... شوي واقوول سالفة الادارة..
المهم
سلام وما سلام
وترتيب اوراق وعرض نقاط
بدا بالنقطة الاولى وهي الدرجات
وقال في البعض منكم درجاته مقاربه لبعض في المدتيرم والواجب
والاخر بيعده عن بعض...
واجل موضوعهم لاخر وقت المحاظرة...
بدأ في النقطة الثانية وهي سالفة الادارة...
يقوول الدكتور " ان في طلاب شاكين عليه عن الادارة لان ...
نقل محاظرات اضافيه خارج الحرم الجامعي لنا..
وانه عقدها في حرم اخر في منطقة ثانية
الي سبب لهم ضياع المادة
لانهم ما حضرووا المحاظرات
وكانت اربع محاظرات...."
المهم
دكتورنا اصلا كفا وفى وزيادة بعده
لانه عطانا محاظرات اضافية لان الجدوول الزمني للكورس
ما يغطي المقرر...
ما ادري شلوون ذولي راحووا واشتكووا عليه
على الرغم ان الادارة سبق واعتذرت من الدكتوور
لان مافي قاعات فاضية
فشلوون يدرسنى يعني... بالساحة ولا بالمصافط..
صدق عذر اغبياء...
المهم
بعد ما كمل المحاظرة ونتهى الوقت وياااا دور الدرجات..
كنت متحمس وخايف...
وكان الافتتاح فيني.... لوووووووول
طبعا لما شفت درجة الواجب انصدمت
الا اتغربلت... شنوووو وشلووون...
انا سمعت قبل ان هلدكتور ما يندي بالدرجات ... وكذبتهم
ولما شفت الدرجة
صراحة
حطمني... الله يغربله
تخيلووا معطني درجة اقل حتى من ربع الفل مارك
وصراحة حقدت عليه...
وكمل تسليم الواجبات
ونفس شعوري والصدمة
صارت في كل المتواجدين بالقاعة...
ومو مصدقين ان كل التعب هذا بالواجب
اخر شي يعطيهم درجة
زفت ...
وحمدنا الله وقلنا نعووض بالمدتيرم
فلما قعد ينادي بالاسماء
وكل واحد يعطيه درجته
كرهت الدنيا ومافيها
اذا احسن الطلاب معاي
موو جايبين نصف المارك
وهذولي ما يطلعووون الا لما يسحبوون الورق منهم
فشلوون انا...
وصل اسمي
وقبلها ختمت القرآن
وما خليت دعاء ما قلته
والا....
نفس درجة الواجب
ولا الدكتور يقوول انت ما تشكك الادارة
خيبه والله
خلصنا من تسليم الواجب
ودرجات المدتيرم..
فكان المفروض نروح للادارة ونشهد بان الدكتور
كان ماخذ راينا في المحاظرات خارج الحرم
طبعا
بعد الي شفناه من الصدمات
اغلب الطلاب سحبووا فيه
وما راحووا
واانااا واحد منهم
طلعت من القاعة للسيارة على طووول
وميت قهر
على التعب الي تعبته في الواجب ودراسة المدتيرم
صراحة لووو موو مقدمهم احسن لي..
وهذا يوومي بأختصار
وبسمي الموضوع
ازمت 12 ديسمبر
الله يغربلهم مثل ما غربلووني والله
Comments
أنا عن نفسي عكسك تماما والحمد لله هذا من نعم الله عليه...
يعني غالبا درجتي تكون فوق اللي توقعته !
يمكن لأني لا إراديا أشكك في قدراتي فأعطي نفسي أقل من حقها أو أني أستعد للأسوأ فأحط في بالي أقل شي ممكن حتى إني أتقبل الدرجة بسعة صدر..
تحياتي
ابن دبي
اللي يحز بالخاطر إنك تكون مشتغل بضمير ومثل ما يقولوا u pour ur heart into it ..
وفي النهاية تكون النتيجة بهالشكل ..
لكن اللي يقهر أكثر محاولة الدكاترة أو الجامعة إنهم يلبسوا ثوب الديموقراطية ويبينون إستعدادهم لأنهم يناقشوا الدرجات ،، لكن حتى لو تثبت لهم إنهم غلطانين وإنك تستحق أكثر ما تتغير الدرجة !!!
مالك إلا لا حول ولا قوة إلا باللــه ..
ذكرتني بدكتور ظل معاي خمس فصول وفي الـ 5 مواد اللي درسني إياها تكون مادته الوحيدة في كل الفصل اللي جايب فيها D !!!!
اول شي الله يسمع منا يارب
وباقي لي فاينل واجب ثاني وربك كريم
دعواتكم لنا
وربي يوفقك يارب ودائما من المتفوقين
غ ـــرور
ربي يكون في عونا
وصدقت والله نتعب ونكد واخر شي
ما نحصل الي نبي
واذا ما تعبنا بالشي
ناخذ الي ما نتوقعه...هذا الي حاصل لي..
واي ديموقراطية لووول يالغالي
والله كل كلام في كلام
ولا حول ولا قوة الا بالله
سامحني، مش قصدي إني أضحك عليك ...
معليش، تعوضها إنشالله في الإمتحان القادم، هم كده الأساتذه، يحبون يقهروننا، لكن، إنشالله تتخرج و تفقع لهم عيونهم ...
لا يعمري عادي
لووووووول
بس جد هلحالة تضحك
خخخخخخخ
والله يسمع منك